д-р Соња Апостолска
sapostolska@msd.org.mk

„Оралното здравје има големо влијание врз квалитетот на живеењето и претставува супстанцијален Товар на здравствениот систем и националните економии ширум светот па и кај нас. Сите се согласуваме дека денешницата е резултат на некое минато и дека може да ја измениме само сегашноста. Процесот на самостојна работа и решавање на секојдневните прашања и проблеми од праксата отвара многу дилеми за кои докторот мора да најде одговор. Од друга страна, секојдневниот напредок на стоматолошка наука и брзиот технолошки развој го ставаат стоматологот во позиција на доцнење при добивање на одредени информации, а уште повеќе при нивната примена.“

„Затоа, секојдневната пракса бара постојана проверка и надополнување на знаењата на стоматолозите. Токму обезбедување квалитет и стручност на докторите на стоматологија претставува суштина на акредитацијата и процесот на лиценцирање, а оттаму произлегува и главната активност на МСД, органи односно на здруженијата што го сочинуваат ова друштво а тоа е  одржување и подигање на нивото на професионална активност на докторите на стоматологија во јавниот и приватниот сектор.“